منہاج القرآن کے شہر اعتکاف کیلئے رجسٹریشن کا آغاز

جامع المنہاج ٹاؤن شپ میں ہر سال کی طرح امسال بھی مذہبی جوش و خروش کے ساتھ اعتکاف کا اہتمام کیا جائیگا۔ شہر اعتکاف میں ملک کے طول و عرض سے اسلامیان پاکستان شامل ہوتے ہیں، تحریک منہاج القرآن کا شہر اعتکاف تربیت اور فہم دین کے حوالے سے ایک ممتاز مقام رکھتا ہے، شہراعتکاف میں شامل ہونے والوں کیلئے رجسٹریشن کا آغاز کر دیا گیا ہے، شہر اعتکاف کا حصہ بننے کے خواہشمند اضلاع اور زونلز کے ذمہ داران سے رابطہ کریں، مرکزی سیکرٹریٹ لاہور میں بھی رجسٹریشن ڈیسک قائم کیا گیا ہے۔